Мұғалімдер мен оқушылардың 20 пайызынан ауру анықталса мектеп толық жабылады
Бір оқушы коронавирус жұқтырса сыныбы түгел онлайнға жіберіледі! Алматының бас санитар дәрігерінің қаулысына сәйкес, мұғалімдер мен оқушылардың 20 пайызынан ауру анықталса мектеп толық жабылады. Сондықтан жаңа оқу жылында балалардың қауіпсіздігін қамтамасыз ету үшін бірқатар шараларды жүзеге асыру жоспарланыпты.
Автор: Cымбат Ғалымбекұлы
17.08.2021
Ең алдымен, қаладағы барлық мектептің кіреберісіне 25-ші тамызға дейін «Ashyq» жүйесі енгізіліп, тепловизор орнатылмақ. Оқушылар көп жиналатын асхана, кітапхана сынды орындарда рециркулятор қою мәселесі де талқылануда. Сақтанудың үшінші жолы сыныптарда ауаны зарарсыздандыратын дезораторлар орнату. Жапониялық аппараттар елге жеткізіліп те қойған. Енді ата-аналардың келісімі қажет. Сосын дене шынықтыру пәні таза ауада өткізіліп, үзіліске оқушылар бір уақытта шықпаудың амалдары қарастырылып жатыр.
Жандарбек Бекшин, Алматы қаласының бас санитар дәрігері
- Желдету мәселесін күшету керек. Дезинфекция шараларын күшейту керек. Санитейзерлер тек қана дәлізде емес, сыныптың ішінде орналастырылмақ. Балалар бір жерде жиналмау үшін оларды бөліп қою керек. Бастауыш, орта және жоғарғы сыныптар. Олар бөлек жүру керек. Олардың кіреберістері де бөлек болсын деп ұсыныс беріп жатырмыз. Барлық мектептерді тексеріп, іске қосу үшін оларға рұқсат беріледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
