Мейрамханалардың есігін арнайы жасақ күзетеді
Тұрғындарға той-томалақты тыйғыза алмаған Атырау билігі тәртіп сақшыларының көмегіне жүгінуге мәжбүр. Енді қаладағы мейрамхалардың есігін арнайы жасақ тәулік бойы күзетеді. Өйтпеске амал да қалмаған.
Автор: Тәуірбек Бозекенов
25.08.2021
- Мына мейрамхана жабық. Бәрі тыныш!
Тәртіп сақшылары ең ірі мейрамханалардың алдын осылай торуылдап, өңірдегі күрделі эпидемиолиялық ахуалды реттемекші. Өйткені, той-томалаққа тыйым салынғанымен, тығылып істейтіндер көп. Соңғы бір аптаның өзінде 40-қа жуық тәртіп бұзушылық анықталған. Мейрамхананың күзеті нәтиже берсе, билік ауыл-аймақтардағы кафелердің алдына да күзет қоймақшы.
Абзал Әліпқалиев, Атырау облысы ПД бөлім бастығының міндетін атқарушы:
- Атырау облысы аумағында коронавирус індетін жұқтырған адамдардың саны әлі де тіркеліп отыр. Оған қоса карантиндік шектеулерді сақтамай, оларды бұзу фактілері де орын алып отыр. Осыған байланысты полиция департаментімен Атырау қаласы аумағында орналасқан мейрахан маңына тәулік бойына 14 жаяу патрульдік полиция бекеттерін қойдық.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
