Жазасын өтеушілер мектеп партасына отырды
Қарағанды облысында түрмеде отырған 142 жазасын өтеуші мектеп партасына жайғасты. Істі болып, орта білімнен қағылғандар енді 10 шы, және 11 сынып бағдарламаларын меңгермек.
Автор: Саят Дәулетжанұлы
01.09.2021
Темір тордың арғы жағындағы оқушылар білім күні мерекесін дүркіретіп атап өте алмады. Меркелік салтанатты ысырып қойып, бірден парталарға жайғасқан. Мұндағы басты мақсат, мерзімінен кеш болса да білім теңізіне қол сермеу еді. Оқудың бірінші күні оларды мұғалімдер де қатты қинамады. Сотталғандар аттестатты алған соң, бір мамандықты меңгерсек дейді. Түрмеден шыққан соң, тіршілікке септігі тиетініне сенімді. Партаға отырғандар арасында аттестат алуға қылмыс емес, тұрмыс кедергі болғандары да бар екен.
Любовь Кодрен, жазасын өтеуші:
- Мен сыған ұлтының өкілімін. Бізде қыз балалар тұрмысқа ерте шығады 15 жасымда отбасын құрып, оқуды тастап кеткен болатынмын. Есіркі сатып ұсталып, 10 жылға жабылдым. Қазір оқуымды жалғастырсам деймін. Бірақ 38 жасымда партаға отыруға қатты ұялып жүрмін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
