Жарылысқа кінәлілерді түгел жазалауды талап етті
Бүгін Мәжіліс депутаттары осы жарылысқа кінәлілерді түгел жазалауды талап етті! Өйткені, жарылғыш зат сақталған қоймаларды елді-мекендерден алшаққа әкетуді президент тапсырғанымен, ол орындалмаған. Осыған жауаптылардың ешқайсысы жазадан сытылып кетпеуі керек дейді мәжілісмен Альберт Рау.
Автор: Нұрболат Досжан
01.09.2021
Альберт Рау, Мәжіліс депутаты:
- Президент тапсырмасына сәйкес, Жамбыл облысы Байзақ ауданында орналасқан әскери бөлімдегі қару-жарақ пен оқ дәрілерді, жарылғыш заттарды аталған елді-мекендердің жанынан аулақ әкету керек еді. Өкінішке қарай бұл тапсырма орындалмады. Сондықтан, қайғылы жағдайға тап болдық. Ендігі мәселе, кінәлілерді анықтап жауапқа тарту керек.
Раудың бұл ұсынысын бірнеше әріптесі де қолдап отыр. Айта кетейік, 26-шы тамыз күні Жамбыл облысы Байзақ ауданындағы әскери бөлім қоймаларының бірінен өрт шығып, жалынның арты бірнеше жойқын жарылысқа ұласқан болатын. Соның салдарынан 15 адам қаза тапты. Олардың арасында әскерилер, өрт сөндірушілер, құтқарушылар бар. Ал депутаттар жарылыстан жапа шеккен отбасыларға әлеуметтік көмек ретінде бір күндік жалақысын аударатын болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
