Күнбағыс майы неліктен қымбаттап барады?
Елімізде күнбағыс майы күн санап қымбаттап барады. Тамызда бұл тауардың бағасы тағы 2,2 пайызға көтерілген. Былтырдан бері сұйық майдың құны 67 пайызға өсіп отыр. Мұны energyprom.kz сарапшылары есептеп шығарған.
Автор: Нұргүл Нұрланқызы
08.09.2021
Маусымда өсімдік майы литрінің орташа бағасы 713 теңгені құраса, тамызда 760 теңгеге көтерілген. Ең қымбат майды атыраулықтар сатып алуға мәжбүр. Мұнда тамақ пісіруге аса қажет тауардың литрі орта есеппен 849 теңгеден. Ал Ақтауда 827 теңге. Нұр-Сұлтан қаласының тұрғындары күнбағыс майының литрін 820 теңгеден сатып алады.
Сарапшылардың есептеуінше, ең арзан май Петропавлда. Мұнда тауардың литрі орташа 649 теңге.
Баға қарқынды өскенімен сұйық май өндірісінің көлемі де артып келеді. Биыл елімізде қаңтар мен шілде аралығында 278 мың тоннадан аса тауар өндірілген. Бұл өткен жылмен салыстырғанда 5,8 пайызға артық.
Сұйық майдың бағасы:
Маусымда 713 тг;
Тамызда 760 тг.
Атырауда 849 тг;
Ақтауда 827 тг;
Нұр-Сұлтанда 820 тг;
Петропавлда 649 тг.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
