Аялдамада мемқызметкердің өлі денесі табылды – Жамбыл облысы
Шенеунікті қасақана өлтірді ме, әлде ол өзіне қол салды ма? Жамбыл облысында оққа ұшқан мемлекеттік қызметкердің өлі денесі табылды.
Автор: Руслан Әбдіхалық
08.09.2021
Қаратаудағы қайғылы жағдай жұрттың төбе шашын тік тұрғызды. Белгісіз біреу аялдамадағы мәйітті көріп тәртіп сақшыларына хабар берген. Сөйтсе ол Талас ауданы тұрғын үй-коммуналдық шаруашылығы бөлімінің сектор меңгерішісі болып шыққан. Оның денесінің қай тұсына оқ тиіп жазым болғаны әзірге айтылмады.
Ал бейресми мәліметтеге сүйенсек, марқұмның жанынан өз атына тіркелген 12 калибрлі аңшы мылтығы табылған. Оқ содан атылған болуы ықтимал. Қазір 38 жастағы азаматтың өліміне қатысты тергеу жүріп жатыр. Ол Алматы облысының тумасы. Жеке басы, отбасы жағдайына қатысты өзге мәлімет белгісіз.
Әбсамат Бекмұхамбетов, Жамбыл облысы ПД тергеу басқармасының бастығы:
- Бұл деректің мән-жайын анықтау үшін «өлімге итермелеу» бабымен іс қозғалып тергеу жүргізіліп жатыр. Барлық қажет сот сараптамалары тағайындалды. Ал өзге мәліметті тергеу мүддесіне байланысты жариялауға болмайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
