Пандемияның шарықтау кезінде аймақтағы ахуалды реттеуге дәрі-дәрмектің 21 түрі сатып алынған. Оның ішінде көп сұранысқа ие болған парацетамол мен ибупрофенге 25 миллион теңге жұмсалыпты.  Алайда шенеуніктердің «қорды молайтамыз» деген игі қадамы өздеріне мәселе туындатып отыр. Себебі, тұрақтандыру қорындағы арзандатылған перпараттар қазір ешкімге керексіз болып қоймаларда шаң басып тұр. Десе де әкімдік өкілдері дене қызуын түсіретін дәрілерді сатып алушылар табылатынына сенімді. Бұған дейін тұрақтандыру қорындағы дәрілер тек санаулы дәріханада саудаланса, қазір  өзге дәріханаларға да жол ашылып, оларға 50 миллион теңгенің тауары жеткізілген. Бірақ әзірге соның бестен бірі ғана сатылыпты. 

Асқар Сақыпкереев, СҚО әкімінің орынбасары:

- Біз тұрақтандыру қорына дәрі-дәрмек жеткізгенімізде парацетамол мен ибупрофеннің көп мөлшерін алдық. Осы екі препаратқа 25 миллион теңге бөлінді. Қазір бұлардың барлығы тегін беріледі. Сондықтан мәселені шешу мақсатында дәріханалар желісін іске қосып отырмыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!