Оралда синтетикалық есірткі сатпақ болғандар ұсталды
Оралда бір келіден астам синтетикалық есірткі сатпақ болған екі тұрғын ұсталды. Олар ұнтақ салынған орамаларды қала шетіндегі орманға жасырып қойған.
Автор: Жаңалық Ахаш
16.09.2021
Қос күдікті есірткіні интернет арқылы сатпақшы болған. Әлеуметтік желіден клиент тауып, олардың месенжеріне синтетикалық ұнтақты қайда жасырғанын айтады. Осылайша тәртіп сақшылары олардың ізіне түсіп, тал-теректің түбіндегі дәлел болар ұнтақты тауып алады. Күдіктілердің пәтерінен де есірткі табылды. Бір келіден астам амфетаминнің 55 данасы және жарты келі өсімдік тектес есірткі тәркіленді. Ұсталғандар қазір қамауда отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
