Серік Шәпкенов, ҚР Еңбек және халықты әлеуметтік қорғау министрі:

- Бүгінгі күні жұмыс беруші жеке кәсіпкердің қызметі тоқтатылған немесе заңды тұлға таратылған жағдайда олардың міндеттемесін мемлекет өзіне алады. Бұл ретте айта кететін мәселе, кәсіпорын қызметі тоқтап тұрған кезеңде немесе банкроттық рәсімдеу жүргізу кезінде мүгедек адамдар оңалту техникалық құралдарын алу мүмкіндігінен айырылған.

Қазір еліміздегі 1-топтағы 66 мың мүгедектің әрбір үшіншісі күтімі бойынша жәрдемақымен де, жеке көмекшінің қызметімен де қамтылмаған. Енді ол олқылық түзетіледі. Мүмкіндігі шектеулі жандарға күтім жасайтындарға жаңа жәрдемақы түрін енгізу қарастырылды. Оларға ең төменгі күнкөріс деңгейінде ақы төленеді. Баланың мүгедектігі мен асыраушысынан айырылуы бойынша алатын жәрдемақысын да енді бір мезгілде тағайындауға болады.

Мүгедек баласы кәмелетке толған отбасыларға тұрғын үй кезегіне қайта тұруға рұқсат беріліп отыр. Осындай өзгерістер енгізілген заң жобасын бүгін Сенат бірінші оқылымда мақұлдап берді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!