Күләш Омарова, жәбірленуші:

- Алдымен бетімнен ұрды. Лезде ісіп кетті. Сосын шашымнан сүйреп жерге жатқызып тепкілей бастады. Қолымен де соққылады. Не болып жатқанын аңғарып үлгермедім. Кездейсоқ өтіп бара жатқан адамдар болмаса, сау тамтығым қалмас еді.

Болған жайт бақылау камерасына толық түсіп қалған. Видеода ер адамның кіре сала, кіреберісте кезекші отырған бөлмені тепкілеп, артынша ішіне кіріп аяусыз ұрып жатқанын көруге болады. Бұл сұмдықты жатақхана тұрғындары көріп араша түсті. Бұзақыны полиция келгенше сыртқа шығармай ұстаған. Жәбірленушінің айтуынша, о баста күдіктіге әкімшілік іс қозғаған. Тек шу шығарғаннан кейін ғана ол қылмыстық іске өзгертілді. Полицейлер кінәлінің аты-жөнін анықтады. 30 жастағы жігітке қатысты сотқа дейінгі тергеу басталып кетті.  

Евгений Лысенко, Алматы қаласы ПД ресми өкілі:

- Аталмыш жайтты Алмалы ауданы полиция басқармасы тергеп жатыр. Сотқа дейінгі реестрде ҚК 107 –бабымен тіркелді. Алған жарақаттың зардабын нақтылауға сот-медициналық сараптамасы тағайындалды. Оның қорытындысымен тиісті шешім қабылданады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!