Шолпан Каринова, ҚР Білім және ғылым вице-министрі:

- Бүгінгі күнгі нормативке сай, әр сыныпта 25 оқушы болуға тиіс. 25-тен артық болса – бұзушылық. Оқушы сыймайтын мектеп болса, ол жерде әр мектептің шешімімен кейбір пәнді, кейбір сағатты онлайн форматқа ауыстырылады.   

Оқушылары сыймай жатқан білім ордалары, әсіресе Маңғыстау облысы мен Алматы және Шымкент қалаларында көп. Жауапты министрлік өкілдері үш ауысымды мектеп мәселесін жою үшін құрылыс қарқынын күшейтіп жатқанын айтады.

Кыркүйектен бастап партаға оралған оқушылар жуырда бірінші тоқсанды аяқтайды. Ұл-қыздар 1-7 қараша аралығында күзгі демалыста болады. Қазір мектептерде қорытынды бағалау жүргізіліп жатыр. Дәстүрлі оқу форматына оралудың білім сапасына қалай әсер еткені содан кейін белгілі болмақ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!