Айыпталушылар қатарында экс-басшымен қоса параны берген жеке емхананың директоры да бар. Айнагүл Қарабаева басшылық ететін медициналық мекемеге жолдамамен үш бірдей жас дәрігер жіберілген екен. Бірақ оларға қосымша материалдық қолдау қарастырылмаған. Сондықтан Қарабаева денсаулық сақтау басқармасының басшысынан бұл мәселені облыс мәслихаты деңгейінде шешуге қол ұшын созуды сұраған. Қабдрахман Сақтағанов көмектесуге уәде етеді. Осыдан соң әйел оған 200 мың теңге әкеліп берген. Ақыр соңында екеуі де ірі көлемде айыппұл арқалады. Яғни Сақтағанов 6 миллион теңгеге тарта, ал пара беруші 4 миллион теңге көлемінде айыппұл төлеуге міндетті.

Асылбек Қоңыратов, прокурор:

- Жұмыс папкасының арасына 200 мың теңгесі бар конвертті салып берген. Әрі бұл туралы ескерткен. Бірақ Сақтағанов заңсыз әрекетті тоқтатуға тырыспапты. Керісінше, әйел шығып кеткеннен кейін қызығушылық танытып конверттің ішіндегі ақшаны санап алады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!