Еркін Ербөлеков, Атырау облысы ауруханасының бөлім меңгерушісі:

- Қазанның 30-нан 31-не қараған түні авиация қызметімен үш науқас жеткізілген. Науқастардың екеуінің де басы жарылған. Миы шайқалған. Бір науқастың қосымша сол көзінде ауыр жарақат бар. Қазір науқастардың емделуі мерзімі немесе болашақтағы болжамын айту өте қиын.

Өткен сенбіде кешкі сағат жеті шамасында Қызылқоға ауданы Сағыз ауылында атыс болды. Жанжалдасқан жігіттер бір-біріне қару кезенуге дейін барған. Ауылдастар арасындағы атыс кезінде бес адам зардап шегіп, біреуі оқиға орнында мерт болды. Ал полиция департаменті Қызылқоғадағы қырғынның жай-жапсарын ашып айтпай отыр.

Мейірім Ердәулет, Атырау облысы ПД баспасөз хатшысы:

- Қазір оқиға орнында, яғни Қызылқоға ауданында департаменттің жедел тергеу тобы жұмыс істеуде. Сағыз ауылындағы тұрақтылықты және тұрғындардың қауіпсіздігін сақтау мақсатында патрульдеу 24 сағат бойы, тәулік бойы сол аймақта жеке құрам жұмылдырылып, күшейтілген режимде қызмет атқаруда. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!