Гүлім Кеңесбай, Қарағанды қаласының тұрғыны:

- Әкімдікте Қарағанды қаласында кезекте тұрмыз. Бірақ eGov-та мен жоқпын. Сол басты проблема болып тұр. «Жилстройдан» үй алайын десем,  eGov-та  жоқпын.  Үкіметтен, басшылардан тегін үй сұрап отырған жоқпын. Өзім төлей алатындай үй сұрап отырмын.

Көпбалалы, жалғызбасты, мүгедек бала асырап отырған отбасылар неше айдан бері «Бақытты отбасы» мемлекетік бағдарламасына құжат өткізе алмай сандалып жүр. Олардың екі пайыздық өсіммен баспана алуға мүмкіндігі бар екен. Бірақ екі ай бойы Халыққа қызмет көрсету орталығының табалдырығын тоздыруға мәжбүр. Мұқтаж отбасы ретінде пәтер кезегінде тұрғанын дәлелдей алмай отыр. Өйткені әкімдіктің құжатында бар тізім, электронды порталда көрсетілмеген. Шенеуніктер өз кінәсін мойындайды. Бірақ кезекте тұрғандардың толық тізімін қашан eGov -қа енгізетінін айта алмады.

Әділ Әубәкіров, Қарағанды қаласы тұрғын үй қатынастары бөлімінің сектор меңгерушісі: 

- 2020 жылы Қазақстанда кезекте тұрғындардың ортақ базасы құрылды. Техникалық ақауға байланысты Қарағандыда кезекте тұрған тұрғындардың бірқатары сол тізімге енбей қалған. Біз ол тізімді қайта дайындап, бағдарлама құрастырушыларға жібердік. Қазір солардың қолында.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!