Оқ өткізбейтін бұл техниканы тұрғындар қала шетіндегі карьерлердің бірінен көріп қалыпты. Әскери көліктің мұнда неғып тұрғанын түсінбей, тәртіп сақшыларына хабар берген. Тексеру кезінде БТР-дың сонда жұмыс істейтін инженерге тиесілі  екені анықталды. Ол әскери техниканы 20 жыл бұрын сатып алған екен. Ішіндегі құрал-жабдығынан түк қалмапты. Сондықтан одан еш қауіп жоқ көрінеді. Дегенмен бронетехниканың ешбір құжаты жоқ. Оны жақында сатуға қойған.

Ерболат Сарқұлов, Ақтөбе облысы ПД баспасөз қызметінің жетекшісі:

- Қажетсіз болғандықтан сатқысы келген. ҚР ҚК 306-бабы, 1-бөлігі бойынша қылмыстық іс тергеліп, бронетранспортер Ақтөбе қаласының коммуналдық автотұрағына қойылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!