Осы 30 жылда шекара шегенделді. Миллионнан аса шеттегі қазақ елге көшті. Жаңа Астана салынды. Әлемдік саяси аренада Қазақстан өз айтары, орны бар мемлекетке айналды. «Мұның бәрі Елбасының ерен еңбегі» - деп атап өтті президент Қасым-Жомарт Тоқаев.

«Астана Опера» театрында өткен салтанатты жиында мемлекет басшысы 30 жыл ішіндегі елдің жеткен жетістіктерін жіпке тізіп, мерекенің маңызына тоқталды. 

Қасым-Жомарт Тоқаев, Қазақстан Республикасының президенті:

- Біз осыдан 30 жыл бұрын бабалар арманын ақиқатқа айналдырдық. Жаңа Қазақ мемлекеті құрылғанын дүние жүзіне паш етіп, Тәуелсіздігімізді жарияладық. Егемендік  елдің бәріне бұйыра бермейтін бақ. Әлемде сан миллион халқы болғанымен, ұлтарақтай жері жоқ қаншама ұлт бар. Ал қазақтың пешенесіне өз мемлекетін құру бақыты жазылды. Бұл – ұлы бақыт, ұлттың бақыты! Бұдан асқан қуаныш, бұдан биік мәртебе бар ма?

Бізді Youtubе-та қараңыз! Бізді Facebook-та, Instagram-да, Telegram-да оқыңыз!