Өңірде америкалық препаратты 3 мыңнан аса адам қабылдаған. Оның басым бөлігі емізулі баласы бар әйелдер мен жасөспірімдер.  Ал аяғы ауыр жандар екпе қабылдауға асығып жатқан жоқ. Мамандар қазір барынша үгіт-насихат жұмыстарын күшейтуде. Тіпті мереке күндері де тынбай жұмыс жасамақ. Облыста Ковид-19  жұқтыру дерегі сирегенімен, кеселге шалдығып жағдайы ауырлағандар азаймай тұр. Қазір жансақтау бөлімінде 29 науқас жатыр. Тек бір тәулікте 9 жүкті әйелден қауіпті індет анықталған.

Айдар Сейітқазынов, Павлодар облысы  денсаулық сақтау басқармасының басшысы:

- Тек 101 әйел америкалық екпені қабылдаған. Кесел жұқтырып ауыр жағдайда жатқан жүкті және емізуде баласы бар әйелдер аз емес. Өкпенің 80-90 пайызы қабынған болса, онда біз көмек бере алмай қаламыз. Оның соңы қайғылы аяқталып жатады. Сондықтан кеселден қорғанудың жолы вакцина екенін еске салғым келеді. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!