Тәртіп сақшылары оны екі күннен кейін өлі күйінде тапты. Судья екі сотталушының бірін 15 жылға екіншісін 3 жыл 8 айға бас бостандығынан айырды.

Ғафур Шаров, судья:

- Сақтағанов ҚР ҚК 99-бабы, 2-бөлігі, 5-тармағымен кінәлі деп танылып, оған осы баппен 15 жыл бостандығынан айыру жазасы тағайындалсын. Жазаны қылмыстық атқару жүйесіндегі қауіпсіздік барынша ауыр мекемеде өтеу белгіленсін. Ұзақбаев Ілияс Сәрсенбаевич ҚР ҚК 293-бабы, 1-бөлімімен 1 жыл мерзімге бостандығынан айыру жазасы, 432-бабымен 4 жыл мерзімге бостандық айыру жазасы тағайындалсын.

Ілияс Ұзақбаев рақымшылыққа ілігіп жазасы сәлде болса жеңілдеді. Тергеуде анықталғандай екі сотталушы мен марқұм бір жерде жұмыс істеген. Жанжал 16-ақпан күні күндіз жиналыс кезінде өзара келіспеушіліктен басталыпты. Олар Ерлан Құрмановты қонақ келді деп алдап үйіне шақырып алып, ұрып-соғып айдалаға көлігімен апарып тастаған. Бірақ марқұмның туыстары соттың бұл шешімімен келіспеді. Тіпті апелляцияға береміз деп отыр.

Алтыншаш Құрманова, марқұмның туысы:

- Өмір бойы бас бостандығынан айыруды сұраймын. Себебі, осында айуандықпен, жауыздықпен, аяусыз ұрып-соғып, бауырымды соншама жанын қинап өлтірген адамдарға біздің осы бейбітшілік қоғамда жүруге орын жоқ деп ойлаймын. Қылмыскерлер әділ жазаларын алып темір тордың ар жағында өмір бойы өткізсін деп сұраймыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!