{metadescription}
Қасым-Жомарт Тоқаев жаппай наразылыққа кінәлілерді атады
Президент жаппай наразылыққа кінәлілерді де атады. «Елдің талабы мұндай толқуға ұласуына үкімет тікелей жауапты», - деді Қасым-Жомарт Тоқаев.
Автор: Елдос Есенбол
05.01.2022
Оның ішінде энергетика министрлігі мен «ҚазМұнайГаз» және «ҚазақГаз» кәсіпорындары кінәлі деді мемлекет басшысы. Елдің әр аймағындағы болып жатқан бас көтерулерді ескеріп, президент бірқатар шараларды қолға алуды тапсырды.
- Ең алдымен мұнай өнімдерінің бағасын алты айға реттеу керектігін айтты.
- Сонымен қатар әлеуметтік маңызы бар азық-түлік тауарларының да бағасы реттелуі тиіс. Шешімді нақты аймақтағы әлеуметтік экономикалық жағдайға қарай өңір әкімдері қабылдайды.
- «Жеке тұлғалардың банкроттығы туралы» заң әзірленеді.
- Халық үшін жарты жылға коммуналдық тарифтерді көтеруге мораторий енгізу мүмкіндігі қарастырылады.
- Халықтың әлеуметтік жағдайы нашар топтары үшін нарықтағы баспананы жалға алу құнын субсидиялау мәселесі қарастырылады.
- Денсаулық сақтау және балалар мәселелерін шешу үшін «Қазақстан халқына» деп аталатын қоғамдық қор құру, оны мемлекеттік және жеке көздер арқылы қаржыландыру қарастырылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
