Президенттен сөгіс естіген Мағзұм Мырзағалиев кеңесші атанды
Президенттен сөгіс естіп, кеңесші атанды. Енді Мағзұм Мырзағалиев Ақордада жұмыс істейді. Сұйылтылған газдың құны өсіп, халықтың ашуын туғызған кезде шенеунік елдегі энергетика саласына жауапты болған. Бейбіт шеруге шыққан жұрттың жанайқайын естіп Қасымжомарт Тоқаев Мырзағалиев пен оның министрлігін қатты сынаған.
Автор: Әзиза Ғазезқызы
13.01.2022
Мемлекет басшысының ашуы басылды ма, әлде газ бағасының қымбаттағанына басқа кінәлілер табылды ма, үш күндей жұмыссыз жатқан Мырзағалиев бүгіннен бастап президенттің кеңесшісі.
Ақордадағы бүгінгі ауыс-түйіс жалғыз бұл емес. Тимур Сүлейменов Дәурен Абаевтың орнын басты. Сөйтіп лауазымы бір сатыға жоғарылады. Бұған дейін «Болашақ» түлегі Президент әкімшілігі басшысының орынбасары еді. Қазір бастығына бір табан жақындап, бірінші орынбасар атанды. Қаржы саласын меңгерген Сүлейменов үш жыл ұлттық экономика министрлігін де басқарған. Президенттің көмекшісі сияқты жауапты әрі лауазымды қызметтерде болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
