Президент Үкіметке қандай тапсырма берді?
Теңгенің беделі артпайынша, инфляция тоқтамайды. Ал қара халықтың тұрмысы жақсармаса, елімізге қалталылар ат ізін салмайды. Осылай деген Президент Үкіметке теңгенің деңгейін төмендетпеуді тапсырды.
Автор: Әзиза Ғазезқызы
13.01.2022
Жаңа Қазақстанның жаңаруынан бірде-бір аймақ шет қалмауы тиіс. «Ол үшін өңірлерде жұмыссыздық жойылуы керек», - дейді Қасымжомарт Тоқаев. Қатырма дипломдарды оңды-солды тарататын емес, тапшы мамандарды оқытатын үздік университеттердің филиалдарын ашу бұл мәселені шеше алады. Ал бірінші рет ашылатын «Қазақстан халқына» Қоры ауруына шипа таппай жүрген азаматтарымызға қол үшін бермек. Жалпыхалықтық қор Алматыны қайта қалпына келтіруге де қаржы бөледі.
Қасым-Жомарт Тоқаев, Қазақстан Республикасының президенті:
- Мемлекетіміздің тұтастығын, бейбітшілік пен келісімді бірлесіп сақтай алдық. Азаматтарымыз экстремистермен күресте патриотизм мен бірліктің үлгісін көрсетті. Еліміз дамудың жаңа кезеңіне қадам басты. Бұл – шынайы жаңарудың кезеңі. Табысты әрі өркендеген Қазақстанды бірге құрамыз!
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
