Борышкерлерді баспанасынан шығаруға уақытша тыйым салынады
Елімізде борышкерлерді баспанасынан шығаруға уақытша тыйым салынады. 20-шы сәуірге дейін ешқандай мекеменің қарызды көбейтіп, мүлікті тартып аламыз деп қорқытуға құқы жоқ. Сондай-ақ алдағы үш айда құрылысты көшіруге, орын ауыстыруға, бұзуға болмайды.
Автор: Әзиза Ғазезқызы
18.01.2022
Халықтың хал-ахуалын жөндеу үшін ұлттық экономика министрлігі осындай іс-шараларды қолға алыпты. Жыл басындағы жағдайда байланысты Үкімет азаматтар мен кәсіпкерлерге кеңшілік жасап отыр. Сонымен қатар 1-ақпанға дейін салықтық және кедендік тексерістер тоқтайды. Ең бастысы, алдағы екі аптада Үкімет утильдік алым-салықты қайта есептеп шығады.
Әлібек Қуантыров, ҚР Ұлттық экономика министрі:
- Басталған салықтық және кедендік тексерулерді 2022 жылғы 1-ақпанға дейінгі мерзімге тоқтата тұру және кейінге қалдыру. Кәдеге жарату алымының мөлшері мен тәсілдерін қайта қарау. Халықтың табысын арттыру бағдарламасын әзірлеу. 2022 жылғы 20-сәуірге дейінгі кезеңде құрылыстарды көшіруге, орналастыруға, бұзуға байланысты атқарушылық әрекеттерді жүргізуге уақытша тыйым салуды енгізу жоспарлануда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
