Қаржы нарығын реттеу және дамыту агенттігі әзірге банктерге келтірілген шығындардың алдын ала болжамды сомасын жариялады.

Дәурен Нысынбаев, ҚР Қаржы нарығын реттеу және дамыту агенттігінің басқарма бастығы:

- Бүлікшілер мен тонаушылар ең көп шығынды Алматы банктеріне келтірген. Шығын мөлшері 1,6 миллиард теңгеге бағаланады. Сондай-ақ 871 миллион теңге тұратын техника жойылды. Банк кеңселері қирады, осы тармақ бойынша шығын құны 757 миллион теңге. Бұл сома әлі де өзгеруі мүмкін. Залалдың толық құнын тергеу аяқталғанда жариялаймыз.

Агенттіктің мәліметінше шығынның көп бөлігі ұрланған және бүлінген банкоматтарға тиесілі. Жаппай тәртіпсіздіктер кезінде бұзақылар көше бойында және банк бөлімшесінің ішінде тұрған банкоматтарды сындырып жарты миллиард теңгені қолды қылған.

Ел бойынша микроқаржы ұйымдарына келтірілген шығын шамамен 653 миллион теңгені құраған. Алматыдағы филиалдарына 384 миллион теңге, Алматы облысында 140 миллион теңгеге және Қостанай облысында 101 миллион теңгенің мүлкі қираған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!