Есірткі іздеп супермаркетті талқандап тастаған – Атырау
Атырауда есірткі іздеген адам супермаркетті талқандап тастады. Бірақ нашақордың бір сәттік құмарын басатын затты неліктен дүкеннен іздегені түсініксіз.
Автор: Тәуірбек Бозекенов
19.01.2022
Түн ортасында супермаркеттің есігін сындырып кірген күдікті алдымен сөредегі азық-түлікті шашқан. Есірткі іздеген ер адам қораптарды қопарып, сауда орнының тас-талқанын шығарған. Дүкенде қауіпсіздік дабылы соғылғанда із суытқысы келген. Бірақ ес-түсін білмейтін нашақорды тәртіп сақшылары ұстап алды. Қазір күдіктіге қатысты қылмыстық іс қозғалып, тергеу жүргізіліп жатыр.
Мейірім Ердәулет, Атырау облысы ПД бапасөз хатшысы:
- Аталған фактіге күдікті, 1991 жылғы Атырау қаласының тұрғыны анықталып ұсталды. Ол дүкен ішінде азық-түлік сөрелерінде, сондай-ақ басқа да тұрмыстық заттар сатылатын сөрелерге зиян келтірген. Материалдық шығын көлемі есептелуде. Күдікті 2013 жылдан бері нарколодиспансерде есепте тұрғаны анықталды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
