Олжас Құсайынов, ҚР Қорғаныс министрлігінің департамент бастығы:

- Бүгін Ұжымдық қауіпсіздік шарт ұйымы ұжымдық бітімгер күштерін Қазақстан аумағынан шығаруын аяқталды. Соңғы жеке құрам мен техника әуе кемесімен Алматыдан ұшып шықты. Қазір Қазақстан Республикасының аумағында шет мемлекеттердің әскери қызметшілері – жоқ.

Қазақстанда бейбіт шерулердің соңы қақтығысқа ұласқан кезде президент 5-қаңтарда төтенше жағдай жариялап, Ұжымдық қауіпсіздік шарт ұйымынан әскери көмек сұраған-ды. Келесі күннен бастап ұйымның екі мыңнан астам сарбазы және 250 техника ел аумағына кіргізілді. Бітімгерлер стратегиялық нысандарды күзетіп, қазақстандық күш құрылымдарының жұмысын жеңілдетті. Негізі шетелдік сарбаздарды ел аумағынан шығару 13-қаңтарда басталған болатын, бір аптаға созылған миссия бүгін толық аяқталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!