Баланың әжетхана түбінде жатқанын жақындары дәрет сындыруға келгенде бір-ақ білген. Құтқарушыларды шақырып, мамандар жеткенше әжесі тесікке ұзын таяқ салып демеуге тырысыпты. Дереу жеткен құтқарушылар әжетхананың тар тесігі арқылы баланы әупірімдеп жүріп арқанмен байлап шығарып алды. Алайда улы иіске тұншығып үсті-басының бәрі былғанған. Балақайды тез жуындырып жедел-жәрдеммен дереу ауруханаға жеткізді.

Жомарт Қоспанов, Ордабасы ауданы төтенше жағдайлар бөлімінің бастығы:

- Қазір баланың жағдайы тұрақты. Медициналық қызмет талап етпейді. Бақылаусыз қалған бала ойнап жүріп әжетханаға түсіп кеткен. Жалпы тұрғындарға өтініш: баланы бақылаусыз қалдырмауды ескертеміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!