«Самұрық-Қазына» қорының 124 қызметкері жұмыссыз қалды
Қазір әр сағаты мен күні санаулы «Самұрық-Қазына» өзгерістерін штат санын қысқартумен бастады. «Холдингтің жұмысын қызметкерлердің жартысы істей алады» деп шешім қабылдаған қор басшылығы 248 маманның 124-ін бүгін жұмыссыз қалдырды.
Автор: Гүлбағда Қайратқызы
24.01.2022
«Самұрық-Қазына Инвест», «Самұрық-Қазына Контракт», «Самұрық-Қазына БизнесСервис» және Samruk-Kazyna Construction сияқты төрт еншілес компанияның бас директорлары да жоғары лауазымынан айырылды. Құрылым бөлімдері саны 27-ден 18-ге қысқартылып, «кеңесші» қызметі жойылған.
Қордың шетелдегі өкілдіктері де жабылады. Қол астындағы ұлттық компанияларды салалық министрліктерге беруге қарсы шыққан Қор төрағасы Алмасадам Сәтқалиев дүйсенбідегі қысқартулар туралы шешімді тез қабылдаған сыңайлы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
