Коронавируспен тіркелген қазақстандықтар саны 1 миллион 180 мыңға жуықтады
Коронавирус соңғы тәулікте 11 адамның өмірін жалмады. Ал, бір күнде тағы да 12 мыңға жуық отандасымыз қауіпті кеселді жұқтырған.
Автор: Салтанат Шырынхан
26.01.2022
COVID-19-ға шалдыққандардың ең көбі әдеттегідей Нұр-Сұлтан, Алматы қалалары мен Қарағанды облысында. Қос шаһар мен кеншілер өлкесіндегі көрсеткіш күн сайын 2 мыңнан төмен түспей тұр.
Сондай-ақ эпидкартадағы ахуал да әзірге өзгеріссіз. "Сары" аймақтағы Түркістан облысынан өзге барлық өңір қауіптілігі ең жоғары "қызыл" деңгейінде.
Еліміз бойынша ауруханада емделіп жатқан 383 науқастың жағдайы ауыр. Оның 71-і жасанды тыныс алу аппаратына қосылған. Пандемия басталғалы коронавирус диагнозымен тіркелген қазақстандықтардың жалпы саны 1 миллион 180 мыңға жуықтады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
