Әділбек Сағындық, шаруа

- Сұрап отырғанымыз, 1 килограмм жемнің құны 50 теңге болу керек. 1 түк шөп 500 теңгеден болу керек. 1 мая шөп 8000 теңгеден сатылу керек. Біздер тегін сұрап отырған жоқпыз. Мұны жасауға Үкіметтің мүмкіндігі бар. Биылғыдай жұт жылы қыстан шығып кететін екі айға жеңілдетілген бағамен көмек жасалса екен.

Қазір шаруалар бір келі кебекті 100-110 теңге, бір түк шөпті 1700 теңгеге, бір рулонын 18 мың теңгеге сатып алады. Қымбатшылық қысып тұр дегендер осы бағаны екі «есе түсірсе» деген талап қойып отыр.

Наразылық білдіргендерді облыс әкімінің орынбасары мен ауыл шаруашылығы басқармасының басшысы қабылдады. Олар шаруаларға барынша жағдай жасап жатырмыз деп ақталуда. Тіпті кебекті арзандату үшін Солтүстік Қазақстандағы ұн комбинаттарымен келіссөз жүргізіп жатқанын жеткізді.

Биыл өңірде мал шаруашылығын дамыту үшін субсидиялау мөлшері былтырғымен салыстырғанда бес есе көбейтілген. 2021 жылы Үкімет резервінен бөлініп, игерілмей қалған 664 миллион теңге шаруаларға беріледі дейді жауаптылар.

Қазыбек Тәшімов, Маңғыстау облысы ауыл шаруашылығы басқармасының басшысы: 

- Былтырғы жылы облыста жем-шөп сатып алуға шаруа қожалықтарына 100 млн. тг астам қаражат қаралған болса, биылғы жылы жалпы мал шаруашылығын дамыту мақсатында 580 миллион бөлінді. 2022 жылғы бюджет былтырғы жылмен салыстырғанда бес есе көп. Енді шаруалардың жем-шөпті арзандату мәселесі бойынша мәселе кеше министрлікке жеткізілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!