Білек сыбанған 105 сарбаз шашылған қаптарды басқа вагондарға тиеп жатыр. Сонымен қатар әскерилер арнайы техниканың көмегімен апатта талқаны шыққан вагондарды жолдан сүйреп жүр.

Мойынты мен Сарышаған арасындағы теміржол бойы күзетке алыныпты. Апатқа Ресейде жасалған вагондардың бірінің бүйір рамасының сынуы себеп болған. Соның салдарынан теміржол рельстері талқандалып, электр сымдары үзілген. Шашылған астық Ауғанстанға бара жатқан. 

Есжан Батырбеков №06708 әскери бөлімінің командирі:

- Сарышаған - Қарағанды бағытындағы Науалы разьезіндегі төтенше жағдайға көмекке келіп тұрмыз. Атап айтқанда, өздеріңіз көріп тұрғандай, 11 вагон Науалы разьезінде рельстен шығып кеткен, қаптардағы бидай шашылып жатыр. Сол қаптарды қазір вагондарға тиеп жатырмыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!