Jusan Singularity білім беру хабы жақында жұмысын бастайды. Соңғы үлгідегі компьютерлік жабдықтар әкелінген, заманауи коворкинг орталық дайын тұр. Мектепті ашудағы басты мақсат – білікті ІТ мамандарын даярлау. Өйткені Jusan компаниялар тобында сұраныс жоғары.

Архат Ізбасов, Jusan Singularity бағдарламасының жетекшісі:

- Jusan экожүйесі қазір қарқынды дамуда. Осыған байланысты үздік ІТ мамандарға деген сұраныс ұлғаюда. Қазір Jusan тобы компанияларына әртүрлі бағытта 250-ге жуық ІТ маманы керек. Сұраныс 2025 жылға қарай 1000-ға дейін артуы мүмкін.

Әзірге болашақ ІТ мамандар арасында іріктеу жүріп жатыр. Қазірдің өзінде 3000-нан астам қазақстандық Jusan Singularity бағдарламасы бойынша оқуға ниет білдірген. 21 ақпанда екінші кезең басталып, оқу үш апта онлайн форматта өтеді. 

Архат Ізбасов, Jusan Singularity бағдарламасының жетекшісі:

- Жас бойынша шектеу қоймағандықтан, 15 жастан 57 жасқа дейінгі адамдар бізге өтініш қалдырды. Арасынан ең таңдаулы деген 100-ге жуық адамды алып әрі қарай оқытуға өткіземіз.

IT-мектепте JAVA, iOS, Android, Frontend әзірлеушілері, DevOps инженерi мамандығы бойынша оқыған студенттер төрт  айдан соң Jusan-да тағылымдамадан өтіп жұмыс істей алады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!