Серкелбай  Тыныбеков, жәбірленушінің әкесі:

- 22-наурыз күні біздің елде әкімнің кабинетінде, әкімнің ұйымдастыруымен көп арақ ішу шарасы болды.Сол жерде төбелес басталып, жеті-сегіз кісі жабылып менің баламды ұрып тастады. Мен барып айырып алғанша, тоқтаусыз хабар келіп, екі-үш сағат бойы ұрған. Қазір балам ауыр халде ауруханада жатыр.

Оңбай таяқ жеген Нұрлыбек Тыныбеков сот-медициналық сараптамадан өткен. Дәрігерлер оның қабырғасы, мұрны, көз маңайындағы жұқа сүйегі және қол шыбықтары сынған дейді. Баласын ұрып жатқанын сол жерде болған жігіттердің бірі әкесіне телефонмен хабарлаған. Серкелбай ақсақал келсе, үстіндегі жейдесі де жоқ баласы әкімдіктің ішінде ес-түзсіз жатқан.

Ауыл әкімі Болат Бейсенбаев та, оның қызметкерлері мен бірнеше ауыл жігіттері де сол жерде болған. Айтуынша, әкімдік ғимаратында Наурыз мерекесін тойлағандар арақ ішіп, Нұрлыбекті соққыға жыққан.

Қазір мемлекеттік қызметкерлердің әкімдік ғимаратындағы әрекетіне қатысты  қылмыстық іс қозғалып, сотқа дейінгі тергеу басталған. Ал ауыл халқы  қол жинап, әкімді қорғауға көшіпті. Тоғыз ай бұрын ғана сайланған Болат Бейсембаев төбелеске таяқ жеген жігіттің өзі кінәлі дейді.  

Болат Бейсембаев, Бұлақ ауылы округінің әкімі:

- Әкімшілікке келіп, ішімдіктер алып келіп, біз байқағанымыз, өте мас күйде болды. Ішімдік ішкен. Сонымен бізді арандатып, біздің шық деген әрекетімізге көнбеді. Ғимарат ішінде құлап, сүрініп, шығара алмай әлек болдық. Содан кейін осындай жағдай болды.Бізге арыз жазып жатыр, маған, менің әріптестеріме арыз жазып жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!