Шымкентте миллиондарға салынған вело/жаяу жолдар қирап қалды
Шымкентте бюджеттің миллиондары жұмсалған вело және жаяу жүргіншілер жолы жарты жылға жетпей қирап қалды. Былтыр ғана төселген жабынды қыстан кейін жүруге жарамсыз болып қалған.
Автор: Бек Әбиев
31.03.2022
Шымкенттің жаңа әуежайына баратын жол бойындағы вело жолақта велосипед тебу түгілі, жаяу жүрудің өзі қауіпті. Көп жері көтеріліп, төселген асфальт айырылып жатыр. Жол құрылысы басталған кезде осы маңдағы шағын ауданға кәріз жүйесін тартқан құрылыс компаниясы жерді нығыздамай, «жол салуға болады» деген зертхана қорытындысын берген. Соның салдарынан төрт жарым шақырым вело және жаяулар жолағы бос топырақтың үстіне төселген. Көктемгі жауын-шашында жер езіліп, 700 метр жол жарамсыз күйге түскен. Қирап қалған жол кәріз жүйесін тартқан мекеме есебінен мамыр айына дейін қалпына келтірілуге тиіс.
Мақсұт Исахов, Шымкент қаласы әкімінің орынбасары:
- Қазір барлық құлап кеткен жерлерін көтеріп жатыр. Қайта көтереді, қайта нығыздап салады. Өз есебінен. «Энсаф» компаниясы. Берекенің бұл жерде ешқандай жауапкершілігі жоқ, барлық жауапкершілік «Энсаф» компаниясының мойнында.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
