Болжам бойынша осы ай құбылмалы екен. Яғни сәуірдің басында еліміздің солтүстігі мен орталық өңірінде күн күрт жылынып, түнде плюс 7, күндіз +18 градус жоғары болады деп күтілуде.

Ал батыста Қара теңізден келетін циклонның әсерінен  жауын-шашын түсіп, жел тұрады. Артынша +22 градусқа дейін ысиды.

Осылайша шығысқа қарай жылжитын циклон республиканың қалған бөлігінде де тұрақсыз ауа райын қалыптастырады.

Сәуірдің ортасына қарай солтүстікте жауын-шашын, оңтүстікте найзағай күтіледі. Алайда салқын ауа температурасы ұзаққа созылмайды дейді мамандар.

Күн- райы ашылып, еліміздің солтүстік, орталық және шығыс өңірлерінде күндізгі ауа температурасы қалыпты нормадан үштен 8 градусқа дейін жоғары болмақ.

Ал оңтүстік пен батыста термометр бағамы +10+15 градусқа дейін көтеріледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!