Қазақстан Украинадан дәрі-дәрмек сатып алмайды
Қазақстан Украинадан дәрі-дәрмек сатып алмайды. Денсаулық сақтау министрі Ажар Ғиният екі ел арасындағы келісім бұзылғанын мәлімдеді.
Автор: Елдос Есенбол
06.04.2022
Бұған геосаяси жағдайдың нашарлауы әсер еткен. Соның салдарынан Украинадағы дәрі-дәрмек зауыттары жабық.
Украинадан Қазақстанға түрлі сырқатқа шипа 25 препарат жеткізіліп келген. Жыл басында ккраиналық зауыттар қажет дәрі-дәрмектің жартысынан астамын жөнелтіп үлгеріпті. Денсаулық сақтау министрлігі қалғанына конкурс жариялап, 1-шілдеге дейін басқа жеткізушімен келісімшарт жасауды жоспарлап отыр.
Ажар Ғиният, ҚР Денсаулық сақтау министрі:
- Бүгінде онда геосаяси жағдай өте күрделі. Бірақ біз, абырой болғанда, барлық препарат пен медициналық бұйымға қажеттілікті өткен жылы конкурс өткізіп, препараттың 94ін сатып алған едік. Бүгінде "СК-Фармация" қоймалары мен хабтарға барлық препараттың 50 пайызы жеткізілді. Пациенттерге қажет препарат маусым айының соңына дейін жетеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
