Қызтөре Ералиева, Шардара қаласының тұрғыны:

- Ішіндегі адамның бәрі шулап, «біссімілләлап», шулап кеттік. Бір уақытта автобусымыз аударылды. Содан үлкен газ құбырына тіреліп, автобус сайға құлады. Содан газ құбырының есігі ашылды ма, терезелерді сындырып, адамдар жерге құлады. «Газ шығып жатыр, қашыңдар» деп, жапатармағай қаштық.

Шардара қаласынан Алматыға бет алған автобуста жүргізушімен қосқанда 11 адам болған. Кешкі сағат жеті шамасында қарсы бағытқа шығып кеткен Ауди көлігімен бетпе-бет соғылған. Жеңіл көліктің ішіндегі үш адам тіл тартпай өліп кетті. Ал автобуста отырған алты жолаушы түрлі жарақат алып, дереу Сарыағаш орталық ауруханасына жеткізілді. Жеңіл жарақат алған төртеуі үйіне қайтарылса, тағы екі жолаушы әлі емделіп жатыр.

Бауыржан Оспанов, Сарыағаш ауданы орталық ауруханасы бас дәрігерінің орынбасары:

- Біреуін балтырындағы қатты жарақатымен жансақтау бөліміне бақылауға жатқыздық. Тағы біреуі басынан жарақат алған,  миы шайқалған, сол диагнозымен жатқызылды. Оның да білек сүйегі зақымданған. Қазір науқастардың жағдайы тұрақты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!