Ветеринарлық бекетке күніне ондаған тұрғыннан арыз түседі. Мамандар күшіне енген заңға сәйкес қолымыз байлаулы деп отыр.

Ең қызығы, депутаттар заңда бұралқылардың жанын аман алып қалуды ойлағанымен, аулаған соң екі ай тұратын жеріне бөлінер ақшаны қарастырмаған.

Жақында ғана Ақтөбе шетіндегі ауылда оқушыны ит талап кетсе, Бауырластар елдімекенінде жайылып жүрген қойға бұралқылар шапқан. Енді тұрғындар көшеде қаптап кеткен иесі жоқ ит, мысықты жаппай жоюды талап етіп отыр. Ветеринарлар екі оттың арасында қалдық деп налиды.

Шаһидулла Рахымов, Ақтөбе облысы ветеринария басқармасының бөлім басшысы:

- Қазіргі заң талабына сәйкес, ақша бөле алмай отырмыз. Бір жағынан ит аулау жұмысы тоқтап тұр. Бірақ енді сақтық шараларын алу керек. Кішкентай балаларды көшеге жалғыз жіберуге болмайды. Ол атаанасының қарауымен жүру керек. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!