Екі жылда 15 ЖОО, 31 колледж жабылған
Елімізде соңғы екі жылда 15 жоғары оқу орны мен 31 колледж жабылған. Тағы 4 университет пен 29 орта білім ордасы жұмысын тоқтатуға жақын. Өйткені талапқа сай емес. Білім министрі мұндай қадам оқу орындарындағы сапаны қамтамасыз ету үшін ары қарай да жүргізіледі деп отыр.
Автор: Елдос Есенбол
19.04.2022
Асхат Аймағамбетов, ҚР Білім және ғылым министрі:
- Сапаны қамтамасыз ету үшін бақылау екі бағытта жүргізіледі. Сапасыз жоғары оқу орындарын немесе колледждерді жабу және оларды лицензиядан айыру. Екінші, университет немесе колледжді бейіндеу, бейініне сәйкес келмейтін және сұранысқа ие емес лицензияларды қайтару. 61 университеттің 500 бағыт бойынша лицензиясы және 375 колледждің 2 200 бағыт бойынша лицензиясы қайтарып алынды.
Қазақстанда мұғалім даярлайтын оқу орындарының саны 86 болса, бүгінде 50-ге дейін қысқарған. Болашақ педагогтарға деген талап қазір жоғары. Былтырдан бастап жоғары оқу орнын тәмамдап ұстаз боламын дегендер арнайы тесттен өтуге міндеттелген. Аймағамбетовтың айтуынша, өткен жылы диплом алған 32 мың педагогтың азғантай бөлігі ғана сол сынақтан сүрінбей өтіпті. Елдегі 3 миллионнан астам баланың мүддесін биік қоямыз деген министр мұндай тестілеулер сапалы маман дарлауға аса қажет деп санайды. Ал біліктілікті арттыру тестін тапсыру, не тапсырмау мұғалімнің өз еркінде. Егер маманды өз жалақысы қанағанттандырса, бұл сынаққа қатыспауға да рұқсат.
Асхат Аймағамбетов, ҚР Білім және ғылым министрі:
- Енді 18 жылдан бастап жаңа жүйеге сәйкес, қазіргі біздің мұғалімдердің алатын үстемақысы ол мұғалімдердің алатын жалақысының 30дан 50 пайызына дейін. Мысалы, егер мұғалімнің жалақысы 300 мың болса ол мастер деген квалификацияны алатын болса, онда оған қосымша ай сайын 150 мың теңге қосылып отырады. Бес жыл осы ақша қосылып отырады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
