Шенеуніктердің жақын туысы туралы мәліметті талап ете алады
Келесі жылдан бастап банктер салық органдарына шенеуніктердің мобильдік аударымы туралы есеп бере бастайды. Дегенмен бұл бастама мемлекеттік қызметкерлер салық декларациясын өткізуден босатылады деген сөз емес.
Автор: Нұртілеу Жылқышыбай
19.04.2022
Сонымен қатар салықшылар шенеуніктердің жақын туыстарына қатысты мәліметтерді де талап ете алады. Әсіресе бір ай ішінде әр түрлі номерден жүзден аса аударым түскен мемлекеттік қызметкер тексерушілердің назарында болады.
2024 жылдан бастап жеке кәсіпкерлер мен компания басшыларының да мобильдік аударымы тексеріске ілігеді. Ал 2025 жылдан, мобильді қосымша арқылы жүзден астам адамнан қаражат қабылдаған барлық қазақстандықтарды да тексеру құқығы берілмек. Жақын туысы, дос-жарандарынан түскен аударымға алаңдаудың еш негізі жоқ. Бұндай мәлімет тексеруші органға жетпейді. Ол банк құпиясы болып табылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
