Гүлназ Мырзағалиева, Ақтөбе қаласы білім бөлімі басшысының орынбасары:

- Бекқұл баба 1 және 2 тұрғындар алабынан қатынайтын балалар қашықтан оқуға көшірілді. Таңғы уақытта нөмірі үшінші орта мектепте электр жарығы өшуіне байланысты қашықтан оқуға рұқсат берілді.

Қаланың қақ ортасындағы мектептің электр сымы қатты желден үзілген. Онлайн оқу туралы естімей қалған кейбір оқушылар мектепке келіп жатыр. Оларды кері қайтармай оқытуда.

Ақтөбеде ақ жаңбырдың басталғанына үш күннен асты. Толассыз жауған жауыннан көше бойына су жиналып, көлік қозғалысына кедергі келтірді. Су сорғызуға жүзден аса техника тартылған. Ал кейбір көпқабатты үйлер мен ірі супермаркеттердің төбесі тамшыға шыдамай тесіліп, су сорғалап ағып тұр. Мұны тұрғындар сапасыз құрылыс жүргізген компаниялардан көреді. Синоптиктер аймақта жауын әзір тоқтамайды деп болжайды. Тек апта соңында ғана күн ашылады деп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!