Қызыл жалын кешкі сағат бес шамасында тұтанған. Өрт  кезінде іште демалушылар болмаған. Өйткені мұнда жақында ғана жөндеу басталған екен. Тілсіз жаудың тұтануына денекерлеу жұмыстары себеп болуы мүмкін дейді төтеншеліктер. Алайда анық-қанығы жан-жақты тексеруден соң белгілі болады. Қазір осы жағдайға қатысты арнайы комиссия құрылған. Өзге павильондар да алыс орналасқандықтан, өрт  тие қоймаған. Алапат өртті ауыздықтауға 17 техника мен 58 өрт сөндіру қызметкері жұмылдырылды.

Еркебұлан Қасенов, Бостандық ауданының төтенше жағдайлар басқармасының бастығы:

- Бүгін Бостандық ауданы Тимирязев көшесі 42 мекенжайында павильон “Дельфин” фитнес-спа ғимаратында өрт болды. Өрттің көлемі 600 шаршы метрді құрады. Жалпы ғимараттың көлемі 900 шаршы метр, 300 шаршы метр өрттен құтқарылды.Өрттің көлемі өте үлкен. Негізгі ғимаратты ұстап тұрған темір қаңқасы ортасына түскен, температурасы жоғары болған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!