Әкімшілік полиция басқармасындағылар жол қауіпсіздігіне қатысты аймақта тексеру жүргізген. Трассаның бойындағы ой-шұңқырды, асфальттағы жарықтарды санап шығыпты. Қадағалап жүріп 250-ден аса ақау тапқан. Тақтайдай тегіс болмаса да, жолдың шұрық-тесігін жамауға жарамаған аудан мен ауылдың 20 әкімі, Автомобиль жолдары басқармасы мен бөлімдерінің жеті басшысы, жолға жауапты әкімдіктің өзеге де мамандары әкімшілік жауапкершілікке тартылған.

Енді сол жолды жақын арада жөнге келтірмесе, екінші қайтара әрқайсына салынар айыппұл көлемі миллион теңгеден асатын болады.

Ал Ақтөбе облысының жолын жөндеуге және жаңа салуға қазынадан биыл 32 миллиард теңге бөлінген. Қыруар ақшаға қарық қылып тас төсеп жатқандары шамалы деп налиды көлік жүргізушілері.

Еркін Өтеген, Ақтөбе облысы әкімшілік полиция басқармасы бастығының міндетін атқарушы:

- Жол жүрісіне қауіп төндіріп отқан жолдағы шұңқырлар пайда болуы. Осы шұңқырларды айналып өтемін деп, қарсы жолақ бетке шығып кетуі мүмкін. Сол себептен де біз уақытында тексеріп, ұйғарымға келіп, айыппұл салып жатырмыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!