Қауіпті індет әзірге біздің елде тіркелмеген. Дегенмен қазір елімізде мешін шешегінің белгілері бар адамдар тексеріліп жатыр. Олардан тест алынған. Әзірге Дүниежүзілік денсаулық сақтау ұйымы қазақстандықтарды осы ауруға қарсы вакциналау туралы ұсыныс жасамаған. Сондықтан бұл мәселе күн тәртібінде тұрған жоқ дейді министр Ажар Ғиният. Бірақ дәрігерлер демалушылардың Африка елдеріне қызықпағаны жөн деп отыр. Өйткені онда вирус жұқтырудың ықтималдылығы өте жоғары. Сондықтан шетелден келушілер де жіті тексерілуде.

Ажар Ғиният, ҚР Денсаулық сақтау министрі:

- Әуежайдан әрбір адамды термометрия жасап қарсы аламыз. Ол жерде біздің медицина қызметкерлері бар. Егер қызуы бар адам болса, оқшауландырып, дереу жұқпалы ауруханаға жеткізіледі. Бокс, арналған орындар дайын тұр. Аталмыш аурудың басты белгілері: дене қызуы, интоксикация бас ауруы, дененің әлсіздігі, бүкіл теріге шығатын бөртпе.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!