Қаңтар оқиғасы кезінде ұрланған қарудың тең жартысы табылмаған
Қаңтар оқиғасы кезінде ұрланған қарудың тең жартысы табылмаған. Кісі қолында жүрген қару-жарақ әлі күнге дейін іздестіріліп жатыр дейді ішкі істер министрі.
Автор: Елдос Есенбол
08.06.2022
Марат Ахметжанов, ҚР Ішкі істер министрі:
- Әрине, қауіп әрқашан бар. Ұрланған қаружарақтың бір бөлігі әлі қылмыскерлердің қолында. Бүгінге дейін, қателеспесем, бір жарым мың қару тәркіленді. Жедел жұмыс жүргізіліп жатыр. Азаматтардан қару сатып алу шарасы жүргізілді. Халықтан мың шақты қару сатып алдық.
Табылмай жатқан қарудың көбі тапанша, мылтықтар мен автоматтар. Күні кеше ғана Алматы қаласы мен облысынан дүрбелең кезінде қару ұрлаған күдіктіні ұстаған. Тәртіп сақшылары өңір-өңірді, шалғайдағы елдімекендерді, тіпті жақын шет елдерді де түгел сүзіп шығамыз дейді. Өйткені қаруды алған адам оны бір қолда ұстау отыруы неғайбыл.
Еске салайық, қаңтар оқиғасы кезінде елдің әр өңіріндегі бірнеше қару-жарақ дүкені тоналған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
