Өмірде әр адамға бауыр керек! Фильмнің басты кейіпкері Жандос ағасы үшін жасайтын ерлігімен ерекшеленбек. Өйткені чемпионға бұзақылар кезекті жекпе-жекте жеңілуді тапсырған. Алайда спортшы айтқандарын орындамай, соққыға жығылады. Осы сәтте Жандос туғаны үшін жан алысып, жан берісуге даяр. Бірақ күш көрсетіп, жұдырықпен емес. Түрлі айла мен әрекетке көшкен ол аяқ астынан әйелге айналады. Режиссерлар фильмге ат қоярда аса қиналмадық дейді.

Назар Мұхаметжан, "Жанетта, жги!" К/Ф режиссері:

- Жолдасымның бір танысы бар. Оның есімі мүлдем басқаша еді. Жамиля ма есімде жоқ шын өмірдегі. Өзіне сол ат ұнамағаннан кейін өзінің атын Жанеттаға паспортын ауыстырғаннан кейін оның өмірі күрт өзгеріп кетті жақсы жағына. Үйленіп, машина алды дегендей. Сол моментті ойымызда ұстап, киноның атын шығарған кезде сол сәтті пайдаланып Жанетта деп атадық.

Осылайша кино ұжымы картинадағы Жандостың да өмірін Жанетта есімі арқылы өзгертеді. Сөйтіп кек алуды көздеген ол казиноға кіру керек. Өйткені компромат ойынханадағы сейфте тұр. Сәтсіз аяқталған әрекеттерінен сон басты кейіпкер кастинг арқылы әнші ретінде кіреді. Нағыз шым-шытырық осы кезде басталады. Туынды 2019 жылы 24 күнде түсірілген. Алайда пандемия мен ұзақ жасалған монтажға байланысты экранға биыл щықты. 

Дәрия Сексенбаева, "Жанетта, жги!" К/Ф продюсері:

- Карантин болған кезде біз киноға прокатқа шығуға қорқып қалған болатынбыз. Өйткені зал, кинотеатрлардың тәртібі бойынша залда тек қана 50, 30 пайызға ғана толып, адамдар келе алатын жағдай болды. 06:09:09 Бұл кино арқылы жалпы әрбір адам өзінің ішіндегі жан талғамына байланысты ішіндегі жан дүниесіне байланысты өзіне керек нәрсесін өзі шығарып алады деп ойлаймын.

Фильмге Нұржан Тұтов, Бауыржан Орда сынды танымал актерлар түскен. Ендеше бауырлар арасындағы қамқорлықты көргіңіз келсе, «Жанетта, жги!» фильмін тамашалаңыз. Картина кешеден бері еліміздің барлық кинотеатрында көрсетіліп жатыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!