Ковид қалада 16-шы маусымнан бастап тұрақты түрде көбейіп келеді. Ал ауырғандардың 80 пайызы вакцина салдыртпағандар. Қала қауіптің "сары аймағына" өткеннен кейін Алматының бас санитар дәрігері карантиндік шараларды күшейту туралы қаулы шығарды. Енді адам көп жиналатын жабық нысандар мен қоғамдық көліктерде бетперде тағу қажет. 

Әсел Қалықова, Алматы қалалық Санитарлық-эпидемиологиялық бақылау департаменті басшысының орынбасары:

- Қаулыда екпе салдыруға болмайтын және жүкті әйелдер, сондай ақ ауырған науқастармен жақын қарымқатынаста болғандар қашықтықтан жұмыс істейді деп қарастырылған. Адамдар көп жиналатын жерлерде, яғни сауда үйлері, кинотеатрлар, театр және тағы басқа мекемелерде бетперде тағу ұсынылып отыр. Қаулы шілденің 7-сінен бастап күшіне енеді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!