«АрселорМиттал Теміртау» кәсіпорны қауіптілігі жоғары өндіріс ошақтарының бірі. Мұндағы еңбек қауіпсіздігін сақтау туралы шаралар еш нәтиже беріп жатқан жоқ деді премьер-министр. Өйткені металлургия комбинатындағы құрал-жабдықтар әбден тозған. Ал оны жаңартуға инвестиция жеткіліксіз. Соның салдарынан, кәсіпорында апаттар жиілеп, жұмысшылардың опат болу дерегі көбейген. Мәселен, бір ай бұрын ғана пештерді жөндеу кезінде күмбез құлап, 5 адам топырақ астында қалған еді. Оның төртеуі көз жұмды. Сондықтан Үкімет басшысы кәсіпорын басшылығын апат санын азайту үшін кешенді шара әзірлеуді тапсырды.

Әлихан Смайылов, ҚР Премьер-министрі:

- Жыл сайын өндірісте 10-12 адам мерт болады. Біз бұл жағдайға көне алмаймыз. Жабдықтардың әбден тозығы жеткен, жаңғыртуға салынатын инвестициялар деңгейі басқа кәсіпорындармен салыстырғанда 2-3 есе төмен. Мұны түзету керек. Инвестиция көлемін кезең-кезеңмен арттырып, ең алдымен, қызметкерлердің қауіпсіздігін қамтамасыз ету керек.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!