Ақтауда шомылу маусымы қыз-қыз қайнап тұр. Шілденің шіліңгір ыстығында тұрғындар теңіз жағасынан сая іздеп жүр. Суға түсіп, күнге қыздырынып, кейбірі кешкі асында осы жерде ішеді. Бірақ демлушылардың бәрі бірдей тазалықты сақтамайды. Ішіп-жеген тамағының қалдығын жағалауға тастап кетеді екен. Мәселен, мына тау-төбе болған қоқыс үйіндісін жергілікті тұрғындар түсіріп алған. Әлеуметтік желіге жүктелген видеода жағажайдың қоқыс полигонына айналғаны анық аңғарылады. Видео авторы бұл тегін жағажай болған соң ластанып жатыр дейді. Онда тұрмыстық қалдықтардың арасында тұрғындардың қаннен қаперсіз демалып жатқанын байқауға болады.

Ақжайық Шалабаева, Ақтау қаласының тұрғыны:

- Тегін болғаны жақсы конечно. Бәрі тазалық өзімізге байланысты. Артымыздан жинап жүрсе бәрі жақсы болады. И тегін пляж болғаны дұрыс конечно. Қалаған затыңды әкелесің, ішіпжеп кетесің. Жинап кетсең болды ғой главное. Мусор тастайтын, раздевалканы көбейтсе.

Бұл жағажай тегін болса да керектінің барлығымен жабдықталған. Автотұрақ, киім шешетін орын, қоқыс тастайтын жәшік те бар. Бірақ демалушылар тұрмыстық қалдықтарын жинауға ерінетін сияқты. Оның үстіне қоқыс жәшіктерінің саны өте аз дейді тұрғындар. Ал, әкімдіктегілер күн сайын тегін жағажайды жинауға 60-қа жуық жұмысшы жұмылдырылады дейді. Бірақ барлығын тазалап үлгермейді екен. Өйткені теңіз жағасына 80 қоқыс жәшігі орнатылған. 

Бақтияр Мақсатов, Ақтау қалалық ТКШ бөлімнің бас маманы:

- Демалушылар өздерінен кейін қоқысты жәшікке тасатмай, отырған жерінде тастау заңсыздығы көп орын алуда. Осыған орай қала тұрығдары мен қонақтарынан қала тазалығын сақтау мәдениеттілігіне шақырамыз. Қазіргі таңда «Green city Ақтау» ЖШС қызмет көрсетуде. Қаланың 15 мың шаршы метр аумағын күнделікті тазалық жұмыстарын жүргізеді сонымен қатар теңіз жағалауында 60-қа жуық жұмысшы күнделікті тазалап өтеді.

Жауаптылар тазалықты әркім өзінен бастамаса болмайды деп отыр. Қазір Ақтау қаласының аумағы мен теңіз жағалауында санитарлық-тазалық жұмыстарын жасайтын мекемені анықтау мақсатында байқау жарияланған. Конкурстың нәтижесінде мердігер мекеме анықталып, ол 3 жыл бойы тазалыққа жауапты болады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!