Оқу жылы ішінде күзде жеті күн, қыс пен көктемде тоғыз күн демалыс қарастырылған. Яғни, сабақ екі апта бұрын немесе екі апта кейін аяқталуы мүмкін. Педагогтардың айтуынша, оқу аптасының ұзаруы оқу жүктемесін азайтуға көмектеседі. Сондай-ақ, жазғы демалыста білім алушылар тоғыз ай алған білімін жоғалтпауына септігін тигізеді. Бұл жаңашылдықты көп ата-ана қолдап отырған жоқ. Балалар миын тынықтырып, жаңа оқу жылына күш алу керек деп есептейді. Ата-аналардың қарсылығы ескеріліп-ескерілмейтіні белгісіз. Ереже әзірге екінші тамызға дейін талқыланбақ. Статистикаға сүйенсек, қазақстандық оқушылар әлем елдері ішінде ең ұзақ демалады екен. Мысалы, Израильде демалыстың ұзақтығы 84 күн, Оңтүстік Кореяда 90 күн, Жапонияда 102 күн. Кей зерттеулер, балалар ұзақ үзілістен кейін игерген материалдың 25 пайызын ұмытатынын көрсеткен.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!