Науқас өмірін аманаттаған ақ халаттылардың біліктілігін арттыра алмай жүргеніне осымен аттай екі жыл болды. Былтыр мемлекеттік сатып алу порталында байқау ашылған. Бірақ жыл аяғында. Есеп тапсырып үлгермейтін болғандықтан, қазына қазаны жабулы күйінде қалып, бөлінген ақша игерілмепті.

Алмагүл Қауышева, «Медициналық ұйымдардың Қазақстандық альянсы» РҚБ басқарма басшысының орынбасары:

- Біздің қоғамдық бірлестікке біліктілігін арттыра алмай жүрген медицина мамандары көмек сұрап, хабарласып жатыр. Бұл мәселеге бей жай қарауымыз қажет. Олар үнемі өздерін жетілдіріп отыруы қажет. Бұл бір орында тұрмайтын сала. Азаматтарымыздың өміріне қатысты мәселе болғандықтан, бұл проблеманы министрлік өз деңгейінде шешуі тиіс. Біздегі жоғары оқу орындары дайындалып үлгеруі үшін, байқауды ертерек жыл басында жариялауы қажет. Әзірге министрлік тарапы үнсіз.

36 мыңнан астам медицина маманы арнайы сертифакатсыз жұмыс істеп, заңбұзушылыққа жол бергенін Есеп комитеті анықтаған. Өз беттерімен жеке курстарға барғандардың да талапқа сай емес сертификат алғанын да ашық айтты.

Сарапшы Әйгерім Қожахметова мұндай білімді жетілдіру курстарын жекеменшік ұйымдардың жүргізуі қолданыстағы кодексті өрескел бұзады деген пікірде. 

Әйгерім Қожахметова, сарапшы:

- Кодекс бар 7-шілде 2020 жылы қабылданған. Сол кодекске байланысты жалпы дәрігерлердің біліктілігін арттыру курстары аккредитациядан өткен, лицензиясы бар универститеттерде жүзеге асырылуы керек. Бірақ, енді соған қарамастан әлі күнге дейін 1026 бұл курстар жекелеген оқу орындары ТОО деп айтамыз немесе басқа бір кішігірім ұйымдарда лицензиясы жоқ, аккдредитациясы жоқ сондай ұйымдарда да әлі күнге дейін оқу жүріп жатыр.

Денсаулық сақтау министрі бұл жағдайдан хабардар. Бағдарлама тоқтаған жоқ дейді Ажар Ғиният. Тек былтырдан бастап байқау электрондық жүйеге көшкендіктен, көп қиыныдыққа тап болып, тұралап тұр екен.

Ажар Ғиният, ҚР Денсаулық сақтау министрі:

- Осы қызметті атқаратын органдар үшін де қиыншылығы көп болды. Өйткені, әрбір саланы оқыту мәселесі бойынша лоттарға бөлу 200 ден астам лот болды. Біздерде көп қой бағыт деген. Оқытатын оқу органдары да бұл бағдарламаға қатысқылары келмей қайта қайта конкурстар болмай жатыр. Қазір бұл конкурстарды біз іріктеп әр өңірге, әрбір дәрігерге оғай болу үшін басқармалардың сұрауы бойынша тағы да әртүрлі лоттарға бөліп, конкурстарды өткізуге дайындап жатыр.

Байқау жақында жарияланады дегенмен, нақты қай күні екенін министр айтпады. Жылдың бел ортасына келгенін ескерсек, дәрігерлер биыл да біліктілігін арттыруға үлгермей қалуы әбден мүмкін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!